#кирәклекиңәшләр
Бакчадагы бетләргә каршы көрәшәбез
Яшелчәләрнең беренче сусыл яфраклары борын төртеп өлгерми, бакча бетләре тишкәләп, тетеп бетерә. Ачу килмичә, нишләсен инде! Әйдәгез, бергәләшеп котылып карыйк әле шулардан.
- Әлеге корткыч бөҗәкләр эссене һәм дымны бик өнәми. Әгәр дә кояш кыздырганнан соң, яңгыр явып үтсә һәм томан күтәрелсә, алар туфракка кача, активлыклары кими.
- Алар көчле исләрне дә яратмый. Редис яки руккола түтәле тирәсенә тәмәке яфраклары, төелгән борыч, горчица порошогы сипсәң, яки нафталин төймәсен уып түтәл тирәли киртә ясасаң – бу бетләрдән котылырга мөмкин.
- Әгәр дә редис (руккола, салат һ.б. яшелчә) яфрак үстергәндә аларда тишекләр барлыка килсә, атнага бер тапкыр бәрәңге сабагы, помидор, тузганак яфрагы төнәтмәләре белән эшкәртергә була. Суга кушылган аш серкәсе эссенциясе дә яхшы нәтиҗә бирә.
- Әгәр дә инде әлеге корткыч бөҗәкләр массакүләм ябырылса, химик препаратлар кулланмый булмас. Әмма, шуны онытмагыз, алар яшелчәләргә әзме-күпме сеңәчәк. Шуңа йомшаграк чаралар, мәсәлән тере җаннар – эт һәм мәчеләр өчен чыгарылган беткә каршы препаратлар белән эш итеп карагыз. 50 мл шундый шампуньны 10 литр суга кушып, яхшылап болгатыгыз һәм яшелчә яфракларын пульверизатор ярдәмендә коендырыгыз.
Фото: «ЯҮ» архивыннан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев