Бакча җиләге: ни өчен түтәлдә уңыш юк? Ир-ат һәм хатын-кыз үсемлекләрен аерырга өйрәнегез

Фото: Чулпан Гыйсмәтуллина. «ЯҮ»

Күпләр зарлана: «Җиләк төпләре күп, ә уңыш юк!» Ни сәбәпле? Бу — бик киң таралган күренеш. Җавап гади: сезнең түтәлне «ир-ат» җиләкләр басып алган.

Хатын-кыз һәм ир-ат җиләк: аермасы нинди?

Мул уңыш җыеп алу өчен, түтәлдә хатын-кыз җенесле үсемлекләр күбрәк булырга тиеш. Чөнки җиләк күпләп нәкъ шуларда була. Ир-ат җенеслеләре бераз гына җиләк бирсә дә, аларның төп бурычы — серкәләндерү.

Кызыклы факт: 10 ир-ат төбе 100 хатын-кыз төбен серкәләндерергә сәләтле. Менә шуннан чыгып, үз түтәлегезнең тәртибен тикшерегез.

Ир-ат җиләкне ничек танырга?

Ир-ат җенесле үсемлекләр бик «гөрләп» үсә. Аларда мыеклар җәй башында ук чыга һәм гомер буе үсеп тора. Хатын-кыз җенеслеләрендә исә мыеклар июль ахырында гына барлыкка килә.

Ир-атларны «хатын-кыз» итеп әйләндерергә мөмкинме?

Әйе! Моның өчен:

• Аларны аерым түтәлгә тыгызлап утыртыгыз.
• Мыекларына үсәргә ирек бирмәгез — даими кисеп торыгыз.
• Сезон ахырына алар чәчәк бөреләре формалаштыра башлар.
• Аннары аларны уртак түтәлгә күчерергә мөмкин.

План:

• Җәй башында — мыекларны өзеп торыгыз.
• Үрчетү өчен — мыекларга июль ахырында, август башында гына үсәргә ирек бирегез.
• Артык үсеш алган ир-ат төпләрен юк итегез.

Үсенте сатып алганда игътибарлы булыгыз.

Сатып алганда төпнең үзәк формасына карагыз:

• Озынча, кечкенә үзәк → ир-ат (серкәләндерү өчен генә яраклы)
• Түгәрәк, зуррак үзәк → хатын-кыз (мул уңыш бирә)

Киңәш: Үрчетү өчен һәрвакыт «кыз» җиләкләрне сайлагыз!