Иркәгә озак еллар саклап тоткан бүләк тапшырганнар

Фото: социаль челтәрләрдән

«Бу бүләкне мин быел әзерләмәгән идем. Бер 13-14 ел элек, Җәлилдә эшләгәндә, Иркәнең бер костюмы калган иде», – ди ул һәм, куана-куана, костюмны хуҗасына тапшыра.

«Мин ул костюмны бер тапкыр гына кигән идем. Ничә ел аңарда сакланды. Сорарга курыктым, мин инде, тотып аткансыңдыр, дип уйлаган идем», – ди җырчы. Кызыл костюм белән бергә колготки да калган булган.

«Бер фатирдан икенчесенә күчкәндә дә үзебез белән йөрттек. Ул безгә акча да, бәхет тә, әле балалар да алып килде», – дип шаярта Илмир.

«Балалар дигәч, мин моны хәзер кияргә дә куркам. Мин бит бу күлмәкне 3 баланы тапканнан соң тектергән идем», – дип искә ала җырчы. Шулай да киеп күрсәтергә вәгъдә бирә.

Интертат