Хатын-кыз уразасының үзенчәлекләре
Сорау: Ураза тота башлагач, мәсәлән, көн уртасында хатын-кыз хәйд хәлендә калса, ягъни аның айлык күреме башланса, аңа уразасын өзәргә, шул вакыттан ук ашарга-эчәргә ярыймы, әллә ул көн уразасын тотып бетерергә тиешме?
Фото: Рәзилә Хәйретдинова, «ЯҮ»
Бу көн уразасы бозылган саналамы, аны кайтарырга кирәкме?
Әлеге сорауга РФ мөселманнары диния идарәсе Голәмәләр шурасы әгъзасы Мәрьям Ковалева җавап бирә
Җавап: Хатын-кыз кан килүен күрү белән, аның уразасы бозылган дип санала. Бу көнне аңа уразасын дәвам итәргә һәм ашар өчен ифтар (авыз ачу) вакытын көтәргә кирәкми. Әмма моны күрсәтеп түгел, ә тыйнак рәвештә башкарырга кирәк.
Бу көн уразасын кайтарырга кирәкме?
Җавап: Әйе, кайтару мәҗбүри. Чөнки бу көн ураза булып исәпләнми, шуңа күрә Рамазан һәм айлык күрем вакыты тәмамланганнан соң, хатын-кыз аны киләсе Рамазан җиткәнче, теләсә кайсы көнне кайтарып тотарга тиеш. Моның өчен кәффарәт (гаепне йолу) итеп үтәү таләп ителми, бары тик көнен көнгә кайтару гына сорала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев