Хат килде: Җәйге бакчада калган яшьлек һәм бүгенге буш заллар

Фото: ясалма интеллект

«Хат килде» сәхифәсендә басылган хатларны яратып укыйм. Әле шул хатка карата фикерләремне үз эчемнән генә сөйлим, гел дә бит телефон аша шалтыратырга вакыт та юк. «Җәйге бакчада калган яшьлек» дигәнендә берәү үткәннәрне сагынып язган, бүгенге көндә дә «зәлидә» оештырып булмыймы икән, дип тә өстәгән. Яңа ел бәйрәмендә 1 гыйнвар көнне клубта ел да 80нче еллар дискотекасы оештырабыз. 10 кеше җыеламы икән! Тырышып әзерләгән концертларга, оештырган чараларга, дискотекага йөрүче юк. Чыкмыйлар, бетте китте! Ә кеше һаман нидер өмет итә...