«Моңа һич кенә дә ышанасы килми!»

Газетагызның соңгы саннарында Бакырчының күркәм кешеләре һәм гаиләләре турында язмалар чыкты. Бик зур рәхмәт, укып, күңелем булды. Аннан, телевизорда ишеткән яңалыктан егылып китә яздым: «Татарстан яшьләре» газетасын ябалар икән. Башка сыймаслык хәл бит инде бу! 100 еллык тарихы булган матбугат юкка чыксын инде! Безнең республикада кирәкмәгән уеннарга фәлән кадәр миллионнар табалар. Татар газетасына юк, имеш. Моңа һич кенә дә ышанасы килми, бәлки саклап калу юлын табарлар дигән өмет күңел түрендә яши әле.