«Мин дә татар ла!»

Фото: Рәзилә Хәйретдинова, «ЯҮ»

Әй, кызлар, шуның кадәр эшегезгә чын күңелегезне бирүегез өчен хөрмәт итәм үзегезне. «Яшел Үзән»не җаныгыз-тәнегез белән сакларга тырышуыгызны күреп, бик кыйбатсынсам да, барып язылдым. Илсөянең газета бәясенең ни сәбәпле артуын аңлаткан видеосын карагач, битараф кала алмадым, менә күңелемдә нидер кузгалды, намусым кушмады читтә калырга, билләһи! Мин дә татар ла! Һәм горурланам татар булуым белән! Газетаның саклануына миннән дә өлеш керсен, дидем. Бер уйлап карасаң, чынлап та, мең сум – әйткәндә генә зур сумма кебек хәзер, ә кибеткә керсәң, ул бәягә пакет төбендә бер-ике әйбер була.