Кайберәүләр үзләрен «Җир патшасы» итеп хис итә

Фото: ясалма интеллект

Кайберәүләр күпфатирлы йорт янында машина урынын чистарта да, бу җирне үзләренеке дип саный. Юлга чыгып киткәндә шул урынга әйбер калдыра әле. Имеш, бу урын минеке, машинагызны куеп кына карагыз! Уйлап карасаң, бу урынны алар сатып алмаган, димәк, алай эшләргә хокуклары да юк. Бу – уртак мәйдан. Һәркемгә урын җитә, ләкин кайберәүләр шуны онытып, үзен «Җир патшасы» итеп хис итә. Бер тапкыр карны чистартып кына, мин-минләнеп йөрү килешле гамәлме? Бәлки мин дөрес әйтмимдер, газета укучыларның да фикерен ишетәсе килгән иде.