«Дөньябызны онытып укыйбыз»

Фото: редакция архивыннан

«Яшел Үзән»не гел алдырам, бер тапкыр да калдырганым юк. Күршем язылмый. Тик миңа кергән саен кулы сезнең газетага үрелә. Район яңалыклары, якташларыбыз хакында аңа килә торган гәҗиттә язмыйлар шул. Ә үзенең укыйсы килә. Кыйммәт дигән булып, сәбәп эзли. Соң, бер тапкыр язылып куясың да, 6 ай буе һәр җомга килеп торачак бит инде, дип тә аңлатам. Район газетасына да акча жәлләп булмый инде монда! Һәр җомга көтеп алабыз, дөньябызны онытып укыйбыз. Рәхмәт, барлык авылларны да яктыртасыз, эшегез булып торсын, киләсе яңа ел бары иҗат уңышлары гына алып килсен.