«Башкалар хезмәтен бәяли белмибез шул»

Шәһәрдә күп фатирлы йортларда яшәп, подъезд алдындагы кечкенә генә участокта чәчәкләр үстереп, матурлык тудыручыларга сокланам да инде. Кайвакытта, андый йорт тирәсеннән узганда, туктап-туктап карап торам. Вакытларын, көчләрен дә кызганмый торган гүзәллеккә гашыйк кешеләр бар бит ул. Тик кайбер җансызлар, шул чәчәкләрне умырып-умырып өзеп китә. Хәзер бернәрсәне дә яшереп булмый. Видеокүзәтү камералары кемнең кемлеген ачык күрсәтә. Тирә-юньгә ямь биреп утыручы чәчкәләргә ничек итеп куллары күтәрелә торгандыр?! Башкалар хезмәтен бәяли белмибез шул.

Фото: Рәзилә Хәйретдинова, "ЯҮ"