Татарстанда күп балалы гаиләләргә янгын сүндерү хәбәрчеләре урнаштыруның яңа этабы башланды

Татарстанда күп балалы гаиләләргә янгын хәбәрчеләре урнаштыруның яңа этабы башланды, дип хәбәр итте Россиянең ТР буенча Гадәттән тыш хәлләр министрлыгы матбугат хезмәте. 
«Рөстәм Миңнеханов йөкләмәсе буенча, бу язда республика бюджеты хисабына 84 меңнән артык янгын хәбәрчесе түләүсез урнаштырылачак», - дип ачыклык керттеләр ведомство матбугат хезмәтендә. Акцияне Гадәттән тыш хәлләр министрлыгы хезмәткәрләре бүген үк үткәрә башлады. Алар өч кечкенә бала тәрбияләнә торган гаиләдә булдылар. Фатирда Гадәттән тыш хәлләр министрлыгы хезмәткәрләре янгын сүндерү хәбәрчеләре урнаштырды һәм хуҗаларына җайланманың ничек эшләвен турында аңлатты. Гаилә башлыгы күрсәтелгән ярдәм өчен рәхмәт белдерде һәм мондый датчиклар бик файдалы, бигрәк тә күп кеше яши торган йортларда, дип билгеләп үтте. "Бездә бит балалар! Ә күпфатирлы йортта теләсә нәрсә булырга мөмкин. Без үзебез дә янгын хәбәрчеләре алырга планлаштырган идек инде. Гомумән, мондый приборны барлык йортларга да урнаштырырга кирәк ", - диде гаилә башлыгы.