Балалар өчен шампуньне ничек сайларга?

Фотолар: ясалма интеллект

Бала чәче өлкән кеше чәченнән бик нәзберек. Тире майны сизелерлек дәрәҗәдә азрак эшләп чыгара һәм аллергик реакцияләргә бирешүчәнрәк. Баланың беренче чәчләрендә фолликуллар булмый. Кутикула өлкәннәрнекенә караганда азрак катламнан тора. Бу фактларны исәпкә алып, бары тик балалар шампуне генә кулланыгыз.

Яшь чикләүләренә игътибар итегез!

Этикеткада мәҗбүри рәвештә яшь чикләүләре күрсәтелергә тиеш:

• яңа туганнар өчен;
• 1 яшьтән 3 яшькә кадәр;
• 3 яшьтән өлкәнрәк балалар өчен.

Яңа туган балалар өчен шампуньнәрдә  еш кына ике функция берләштерелә – чәч шампуне һәм тән геле. Бу чараларның составы мөмкин кадәр органик, SLS (натрий лаурилсульфаты), консервантлар һәм хуш исләрсез булырга тиеш.

3 яшьтән олырак балалар өчен шампуньнәр составында ПАВ (сирфактив матдәләр) булырга мөмкин, ләкин аларның саны минималь һәм мөмкин кадәр йомшак булырга тиеш. Сирфактив матдәләр – теләсә нинди юучы чараның нигезе. Агрессив булмаган ПАВлар аз күбек бирә, ләкин аларның юу сәләте кимеми. pH 5,5 кыйммәтеннән артмаска тиеш.

Сыйфатлы продуктны ничек аерып була?

1. Этикеткада яраклылык срокы, составы, шулай ук дәүләт теркәү турында таныклык номеры күрсәтелгән продукцияне сайлагыз.
2. Этикеткада ЕАС билгесенең булуы мөһим – бу билге товарның иминлеген гарантияли. Ул продукция бәяләү процедураларын узганын һәм техник регламентларда билгеләнгән бөтен таләпләргә туры килүен күрсәтә.
3. Шампунь төсенә игътибар итегез. Әз буялган яки төссез, иссез шампуньнәргә өстенлек бирегез. Балалар шампуненнән үсемлек, чәчәк яки үлән исләре килергә мөмкин.

Ярамый торган компонентлар

DEA (диэтаноламид) маркировкасын күрсәгез, мондый шампунь сатып алмагыз – бу химик матдә баш тиресенә тискәре йогынты ясый һәм кычыту тудырырга мөмкин.

Шампунь составында шулай ук түбәндәгеләр булырга тиеш түгел:

• сульфатлар – су белән контактта вакытта күп күбек бирәләр;
• парабеннар – озак саклау срокы өчен җавап бирәләр;
• силикон.

Уңайлы шешә – ярты эш

Шампунь савытының формасы сайлаганда зур әһәмияткә ия. Әгәр флакон уңайсыз формада, авыр ачыла һәм кулдан шуышып тора торган икән, бу уңайсызлыклар тудыра. Дозаторлы флаконнар куллану өчен бик уңайлы. Мондый савыт шампуньнең түгелүен булдырмый. Янә бер моментка игътибар итү дә мөһим. Күп балалар шампуне җитештерүчеләре аның балада күз яше тудырмаячагын язалар. Кызганычка каршы, бу һәрвакыт дөрес түгел. Шуңа күрә, әгәр син элек кулланмаган шампунь сатып алырга теләсәң, аны алдан үзеңдә сынап карарга киңәш ителә.

Бала чәчләрен карау буенча берничә кагыйдә:

1. Башны атнага 1 тапкырдан арттырмыйча юыгыз, югыйсә аларның табигый саклау катламы бозылырга мөмкин.
2. Баланың озын чәчләрен тыгыз косичкаларга һәм койрыкка җыймагыз – бу очракта чәчләр кирәкле тукланманы алалмый, нәтиҗәдә коела башлый.
3. Өлкәннәр өчен юучы чараларны кулланмагыз.
4. Озын чәчләрнең очларын вакытында кисеп торыгыз – бу аларны сынулардан саклый.
5. Юганнан соң чәчләрне кипкәч кенә тарагыз.
6. Табигый материаллардан ясалган тараклар кулланырга киңәш ителә. Аларны вакыт-вакыт кайнар су белән юып торыгыз.

Кызыклы факт

Элек бала чәчләренең яхшы үсүе һәм калын булуы өчен, аны бер яшендә кыркытырга кирәк дип санаганнар. Әмма бер яшькә кадәр бала чәчен кисәргә ярамый дип тә әйтәләр. Шулай да, кыркыту чәч калынлыгына тәэсир итә алмый.