Татарстанның федераль трассаларында чикләүләр бетерелде

8.00 сәгатьтән 30 гыйнварда автобуслар һәм йөк транспорты өчен вакытлы чикләүләр бетерелде, дип хәбәр иттеләр "Волго-Вятскуправтодор" ФКУда.

Чикләүләр 29 гыйнварда 17.00 сәгатьтән кертелгән иде. Элегрәк синоптиклар республикада алты көн дәвамында айлык явым-төшем нормасыннан күбрәк явым-төшем булырга мөмкин, дип кисәткән иде.

Шуңа бәйле рәвештә Дәүләт автоинспекциясе торак пунктлардан читкә китмәскә һәм шәхси автомобильләрдә йөрүдән баш тартырга киңәш иткән иде.

Татар-информ