Татарстанлыларга «Дәүләт хезмәтләре» аша автомобильне теркәү турында сөйләделәр

1. РФ Дәүләт хезмәтләре порталына керегез.
2. «Хезмәтләр» бүлеген табыгыз.
3. «Транспорт һәм Хокуклар» категориясен сайлагыз.
4. «Транспорт чарасын теркәү» бүлегенә керегез.
5. «Транспорт чараларын теркәү»не сайлагыз һәм «Башлау» төймәсенә басыгыз.
6. Сезгә кирәкле вкладканы сайлагыз.
7. Автомобильне (яки башка транспорт чарасын) теркәү өчен, ул яңа яки кулланылган булуына карамастан, шулай ук теркәү документларына үзгәрешләр кертү яки югалган документлар урынына яңаларын алу өчен тиешле пунктны сайлагыз, аннары «Дәвам итү»гә басыгыз
8. Транспорт чарасы (ТЧ) мәгълүматларын күрсәтегез:

• ТЧ теркәү таныклыгының (СТС) сериясе һәм номеры
• Дәүләт теркәү номеры (госномер)
• «Кулланылган ТЧ теркәү (Яңа хуҗа)»ны сайлагыз

9. Аннары документларга кагылышлы вкладканы сайлагыз. Мәсәлән, сезгә яңа ПТС алырга кирәкме яки кәгазь документ булганда гамәлдәгесенә үзгәрешләр кертергә кирәкме.
10. «ГАРИЗАГА КҮЧҮ» төймәсенә басыгыз.
11. Яңа хуҗа мәгълүматларын тикшерегез: экранда сезнең мәгълүматлар күрсәтеләчәк. Барысы да дөрес булса, «Дөрес»гә басыгыз, юк икән – «Үзгәртү»гә.
12. Шәхси мәгълүматларны тулыландырыгыз:

• Туган җирне күрсәтегез.
• Мобиль телефон номерын, электрон почта адресын, теркәлү адресын чагыштырыгыз.

13. Транспорт чарасы турындагы мәгълүматларны тикшерегез. Автомобиль турындагы барлык мәгълүматлар дөрес күрсәтелгәненә инаныгыз.
14. Хокук бирүче документ турындагы мәгълүматларны тутырыгыз:

• Милек хокукын раслаучы документның сериясе һәм номеры (мәсәлән, сату-алу килешүе).
• Сату датасы.
• Килешүдә күрсәтелгән транспорт чарасының бәясе.

15. Диагностик карта мәгълүматларын күрсәтегез: әгәр автомобиль 2022 елга кадәр чыгарылган булса, диагностик карта турындагы мәгълүматларны (номеры һәм гамәлдә булу срокы) күрсәтергә кирәк.
16. Хезмәт алу төбәген сайлагыз: «Татарстан Республикасы».
17. Сез теркәү узачак ГИБДД бүлекчәсен сайлагыз.
18. Сайланган ГИБДД бүлекчәсенә килү өчен уңайлы дата һәм вакытны сайлагыз.

Гариза тутырылганнан соң тикшерүгә җибәреләчәк. Аннары дәүләт пошлинасын түләргә һәм билгеләнгән вакытта ГАИга килергә кирәк булачак.