Кайнар килеш табынга бирелә торган хуш исле, йомшак һәм туклыклы ризык.
Фото: ясалма интеллект
КИРӘК:
- 500 г шампиньон гөмбәсе;
- 1 баш суган;
- 200 мл 20 процентлы каймак;
- 100 г каты сыр;
- 1 аш кашыгы он;
- 2 аш кашыгы үсемлек мае яки акмай;
- тәменчә тоз, кара борыч.
Әзерләү тәртибе:
- Гөмбәләрне юып, вак итеп, суганны ярымбоҗралап яки шакмаклап турарга.
- Табада майны җылытып, суганны йомшарганчы кыздырырга. Гөмбәләрне өстәп, суы чыгып беткәнче һәм бераз кызарганчы пешерергә.
- Өстенә он сибеп, яхшылап болгатырга. Каймакны салырга, тоз һәм борыч өстәргә. Катнашманы куерганчы 2–3 минут сүрән утта тотарга.
- Гөмбәле массаны кечкенә керамик савытларга бүлеп салырга. Өстенә угычтан уылган сыр сибәргә.
- 180°C ка кадәр җылытылган мичтә 10–15 минут, сыр эреп, алтынсу төскә кергәнче пешерергә.
Жюльенны кайнар килеш, шул ук савытында бирү кулай. Өстен яшел тәмләткечләр белән бизәргә мөмкин.
Нет комментариев