Татарстанда 6 тоннадан авыр транспорт өчен чикләүләр кертелә

Фото: Рәзилә Хәйретдинова, «ЯҮ»

Бу чара юл өслеген саклауга, шулай ук хәрәкәт иминлеген арттыруга юнәлдерелгән.

Чикләүләргә түбәндәгеләр керми:

• пассажир автобуслары;
• азык-төлек, хайваннар, азык (җим), дарулар, орлыклар, ашламалар, почта һәм ягулык ташу;
• гадәттән тыш хәлләрне бетерүдә катнашкан транспорт;
• автомобиль юлларын ремонтлау һәм төзек тоту өчен юл техникасы һәм материалларын ташу;
• федераль закон буенча хәрби хезмәт күздә тотылган башкарма хакимият органнары транспорты;
• чүп ташучы машиналар.

Калган авыр йөк ташучылар өчен йөрү махсус рөхсәт булганда гына мөмкин. Аны «Росдормониторинг» шәхси кабинеты аша рәсмиләштереп була.

Мондый чаралар ел саен кертелә. 2025 елда чикләүләр төбәк юлларының 377 участогында гамәлдә иде. Кагыйдәләр бозган өчен зур штрафлар каралган – транспорт хуҗалары өчен алар 600 мең сумга кадәр җитәргә мөмкин.

Татар-информ