Районда булган юл фаҗигасе уңаеннан балигъ булмаганнар эшләре һәм хокукларын яклау буенча чираттан тыш киңәйтелгән утырыш узды

26 апрельдә Яшел Үзән районында юл-транспорт һәлакәте булып, яшүсмернең гомере өзелде. Тагын ике пассажир хастаханәгә озатылган. Беренчел мәгълүматлар буенча, машина йөртүче идарәне югалта, автомобиль юл кырыеннан чыгып әйләнеп каплана. Хәзерге вакытта вакыйганың барлык нечкәлекләре тикшерелә.

Бүген без әлеге урынга юл хәрәкәте иминлеге комиссиясе белән бергә юл тотабыз. Бу фаҗига ничек килеп чыкканын гына түгел, ә мондый хәлләр кабатланмасын өчен нинди чаралар күрелергә тиешлеген дә аңлау өчен.