Балалар бакчасында үтереш: ир-ат тәрбиячене суйган

Башкортстанның Иске Киешки авылында балалар бакчасында коточкыч фаҗига була. 49 яшьлек ир-ат исерек хәлдә мәктәпкәчә учреждениегә килә, анда аның элеккеге 47 яшьлек хатыны тәрбияче булып эшли. Көнләшүеннән ул берничә тапкыр аңа пычак белән кадый һәм качарга тырышып карый, дип хәбәр итә төбәкнең тикшерү идарәсенең матбугат хезмәте.

Җинаять урыныннан ир-ат качып китә алмаган - аны күршедәге физкультура укытучысы тоткарлаган. Бакчада тәрбияләнүчеләр үтереш вакытында бинаның башка бүлмәләрендә булган, әмма канкойгыч вакыйганы кемдер күрергә дә мөмкин дигән фактны кире какмыйлар.

Тәрбияче алган җәрәхәтләрдән ашыгыч ярдәм машинасында үлгән. Хокук саклау органнары җинаять эше кузгаткан һәм шикләнелүчене сак астына утырткан.
Фаҗигане тикшерү дәвам итә.