Яшел Үзәндә байкерны бәрдергән машина йөртүчене хөкем иттеләр

Эш материалларыннан күренгәнчә, исерек йөртүче Mazda 3 машина руле артында барган. Яшел Үзән районының Мизиново авылы юнәлешендә барганда, автомобильче каршы як полосага чыгып, мотоциклчыны бәрдерә. Jawa 350 мотоциклында барган 45 яшьлек ир-ат алынган җәрәхәтләрдән урында үлә. Имгәнгән иномарка йөртүчесен хастаханәгә озатканнар. Элегрәк тә гаепләнүчене исерек килеш машина белән идарә иткән өчен административ җаваплылыкка тарткан булганнар. Ул вакытта аны 30 мең сумга штрафка тарталар һәм ел ярымга машина йөртү хокукыннан мәхрүм итәләр. Ир-ат үз гаебен тулысынча таныды. Суд аны гомуми режимлы колониядә 5 ел һәм 7 айга ирегеннән мәхрүм итте.