Хөрмәтле яшел үзәнлеләр һәм шәһәребез кунаклары! Кадерле серголылар!

Шәһәрне формалаштыручы, социаль юнәлешле предприятие буларак, POZIS компаниясе туган шәһәребез Зеленодольск үсешенә зур өлеш кертә, муниципалитет оештырган барлык проектларга һәм башлангычларга иҗтимагый партнерлык кысаларында актив ярдәм итә. Өстәвенә, яшел үзәнлеләрнең күп буыннары тормышы безнең предприятие язмышы белән тыгыз бәйләнгән. Без бердәм гаилә һәм горурланырлык нәрсәләребез бар.

2023 ел безнең барыбыз өчен дә җиңел булмады, ләкин нәтиҗәле булды. Агымдагы елда безнең завод үзенең 125 еллыгын билгеләп үтте. «ПОЗиС» Ватаныбызның иминлеген тәэмин итү белән бәйле мөһим дәүләт бурычларын уңышлы үтәде.
Безнең компания май аенда Россия Федерациясе Президенты Указы нигезендә, предприятие коллективының җитештерү эшчәнлегендә ирешкән югары күрсәткечләре өчен, Россия Федерациясенең «Хезмәттәге уңышлары өчен» мактау билгесе белән бүләкләнүе белән горурлана.

Диверсификация кысаларында компания инновацион технологияләрне һәм киң колачлы фәнни эшчәнлек таләп итүче гамәлләрне актив куллана, техник базаны системалы камилләштереп, дөнья стандартлары дәрәҗәсендә конкурентлык­ка сәләтле көнкүреш, медицина һәм махсуслаштырылган суыту техникасын уңышлы җитештерә. Югары технологияле продукциянең бөтен спектрын импортны алмаштыру буенча программаларны гамәлгә ашырып, инжиниринг өлкәсендә Россиянең әйдәп баручы компанияләре белән хезмәттәшлекне планлы рәвештә үстерә һәм шуның белән POZIS илнең технологик суверенитетын ныгытуга ярдәм итә.

Безнең казанышларның нигезе ышанычлы: бу – серголыларның һәм партнерларыбызның намуслы, камил хезмәте, шулай ук Татарстан Республикасы җитәкчелегенең, Ростех дәүләт корпорациясенең һәм илебезнең даими ярдәме.

Хөрмәтле ветераннарыбызга аерым рәхмәт белдерәбез. Алдыбызга куелган бурычларны тормышка ашыру өчен иң яңа заманча технологияләрне нәтиҗәле кулланып, безгә бүген дә актив үсеш алырга мөмкинлек бирүче матди һәм рухи кыйммәтләргә нәкъ менә алар нигез салды.

Предприятиедә яшьләрнең иҗади, һөнәри һәм карье­ра үсеше өчен барлык шартлар да тудырылган. Аларның амбициялелеге, яңа идеяләре һәм карарлары компаниябезнең, кече ватаныбызның һәм илебезнең уңышлылык нигезе булып тора.
Кадерле дуслар! Киләсе ел безгә шатлык, өмет һәм күңел күтәренкелеге китерсен, уңышлы башлангычларны дәвам итү һәм яңа планнарны тормышка ашыру өчен яхшы мөмкинлекләр елы булсын. Сезгә һәм якыннарыгызга нык сәламәтлек, сөенечләргә бай көннәр, тынычлык, татулык һәм лаеклы киләчәгебез файдасына уңышлар телибез! Яңа ел бәхетләр алып килсен!

Радик Хәсәнов,
«ПОЗиС» АҖ генераль директоры
Константин Антипов,
Беренчел профсоюз оешмасы рәисе