Хәрби-диңгез флоты көне белән!

Бүген хәрби моряк исемен горур йөрткән, үзенең озак еллар гомерен флотка биргән, флотта эшләгән, хәрби-диңгез Флотын яраткан, аның традицияләрен хөрмәт иткән кешеләрнең төп бәйрәме. Бу - чын ир-атлар, Ватанның чын патриотлары, диңгез хезмәте романтиклары бәйрәме. Чиксез диңгез киңлекләрендә яки океан тирәнлегендә хезмәт иткән, Ватаныбызның тынычлыгын саклап хәрби бурычын үтәгән һәркемне Хәрби-Диңгез Флоты көне белән тәбриклибез. 

Бүген хезмәт итүчеләрнең барысының да туганнарын, якыннарын бәйрәм белән тәбриклибез. Һәркемгә ныклы сәламәтлек, озын гомер, рухи байлык телибез! Күк йөзе аяз, өегездә бәхет булсын һәм киләчәккә өметегез сүнмәсен иде.