Татарстан Үзәк сайлау комиссиясе рәисе Андрей Кондратьев «Бөтен гаилә белән сайлауларга!» телемарафоны кысаларында тавыш бирүнең өченче көне барышы турында сөйләде.
«Барыгызны да сәламлим. Бүген Федераль Җыен Дәүләт Думасы депутатын сайлау буенча тавыш бирүнең өченче көне, һәм аны бик яхшы кәеф белән башлыйбыз», — диде Кондратьев.
Ул Татарстанда сайлау участъклары 8:00 дән 20:00 гә кадәр эшләвен билгеләп үтте. Үзенең катнашуы турында сөйләгәндә, ЦИК РТ рәисе үзенең күпьеллык традициясе турында сөйләде.
«Бер сайлауда да катнашмый калганым юк. Һәрвакытта үземнең участогымда — 75нче гимназиядә тавыш бирәм. Бу инде традиция», — диде Кондратьев.
Аның сүзләренчә, республика халкы сайлауларда актив катнаша.
«Татарстанда тавыш бирүчеләр күп, сайлау участогы тулы. Хәвефсезлекнең төрле чаралары кабул ителгән. Эчке эшләр министрлыгына, Росгвардиягә, Сәламәтлек саклау министрлыгына бик зур рәхмәт. Барысы да тыныч», — дип билгеләп үтте ЦИК РТ рәисе.
Татар-информ
Нет комментариев