Валерия Кузнецова, «Бердәм Россия» партиясенең Яшел Үзән җирле бүлекчәсе башкарма сәркатибе

– Мин кечкенә вакытта әти 8 Мартка бүләк итеп, әнигә чәч киптергеч сатып алды. Әлбәттә инде миңа бу хакта сөйләмәскә кушты. Бала-чага түзеп тора аламы соң?! Тик ул әйбернең исемен генә оныттым бит. Югалып калмадым һәм әнигә: «Әти сиңа бәйрәмгә пистолет сатып алды», – дидем.

Шуннан соң әтигә фен турында сөйләргә туры килде. Бу хәлдән соң әти минем белән озак сөйләшми йөрде.