Узган атнада Яшел Үзәндә 12 җинаять теркәлгән: 3 очрак ачылган

Фото: Чулпан Гыйсмәтуллина, «ЯҮ»

Шуларның 8е – шәһәрдә, 4есе районда булган. 3 җинаять ачылган. Шуның кадәресе – «кайнар эздән». 4 урлау, 6 мошенниклык, наркотикларның законсыз әйләнеше буенча 1 очрак теркәлгән. 

Билгесез зат, Васильево бистәсендә яшәүче 77 яшьлек хатын-кызның, ВСУны финанслыйсың дигән сылтау белән, 353 568 сум акчасын үзләштергән. Шундый ук юл белән 58 яшьлек хатын-кызның да 492 900 сум акчасы урланган.

Васильево бистәсенең Придорожная урамында Чувашиянең Алатырь шәһәрендә яшәүче 41 яшьлек ир йөртүендәге «Ниссан» (каршеринг) автомобиле туктатылган. Наркоконтроль хезмәткәрләре аннан, шәхси тентү барышында, 13,81 грамм наркотик матдә – каннабис табып алган.