Табиблар беренче тапкыр 72 меңнән артык төрле авыру очрагын ачыклаган. Шул ук вакытта пациентларның 81 проценты диспансер исәбенә алынган. Татарстанлылар арасында иң еш очрый торган авырулар – кан әйләнеше системасы һәм ашкайнату органнары патологияләре.
Фото: редакция архивыннан
Онкологик авыруларны ачыклауга аерым игътибар бирелә. Әлеге чорда яман шешнең 1138 очрагы теркәлгән. Аларның 76 проценттан артыгы башлангыч стадияләрдә ачыкланган. Бу исә уңышлы дәвалану мөмкинлеген шактый арттыра.
Диспансеризациядә иң актив катнашучылар – 40 яшьтән 65 яшькә кадәрге гражданнар. Алар тикшерү узучыларның гомуми санының 42,2 процентын тәшкил иткән. 18 яшьтән 40 яшькә кадәрге яшьләр өлеше – 23 процент, ә 65 яшьтән өлкәнрәк кешеләрнеке – 33,5 процент.
Бушлай диспансеризацияне «Озак һәм актив тормыш» милли проекты кысаларында үзегез беркетелгән поликлиникада узарга мөмкин. Исегездә тотыгыз: сәламәтлекне саклауның иң яхшы ысулы – авыруны вакытында ачыклау һәм аның турында алдан кайгырту!
Казанские ведомости
Нет комментариев