Татарстанда тәүлек эчендә газ җиһазлары белән бәйле биш очрак булган
Соңгы тәүлек эчендә Татарстанда газ җиһазлары белән бәйле биш инцидент теркәлгән. Вакыйгалар республиканың дүрт шәһәрендә — Норлатта, Казанда, Бөгелмәдә һәм Чистайда булган.
Норлат фатирларның берсендә газ плитәсе авариясе сәбәпле газ белән тәэмин итүне туктатырга туры килгән.
Казанда газны сүндерү белән бәйле ике инцидент теркәлгән. Бер йортта су җылыткычын урнаштыру нәтиҗәсендә яшәүчеләр газ һәм кайнар сусыз калган. Икенче очракта шәхси йортның түбәсен һәм морҗаларны капиталь ремонтлау сәбәпле газ бирү туктатылган.
Бөгелмә йортларының берсендә техник хезмәт күрсәтү берничә ай элек кенә үткәрелсә дә, газ таралган. Газсыз 50 фатир калган.
Чистайда шартлау булган, аннан соң фатирда янгын чыккан. Янгын сәбәбе — электр җиһазларын монтажлау кагыйдәләрен бозу.
Барлык очраклар буенча Тикшерүне Татарстанның Торак инспекциясе үткәрә.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев