Татарстанда сезон башыннан талпан боррелиозының беренче очраклары ачыкланды
Татарстанда талпан боррелиозының сезон башыннан беренче очраклары теркәлгән. Бу хакта Татарстан буенча Роспотребнадзор идарәсе хәбәр итә.
Бүгенге көндә Татарстан хастаханәләренә талпан кадалу белән 3249 кеше мөрәҗәгать иткән. Шуларның 707се – балалар. Иң күп кадалу очраклары Казан халкы арасында теркәлгән – 986 очрак. Аннары Яр Чаллы – 319 очрак һәм Әлмәт районы – 259 мөрәҗәгать.
Моннан тыш, республикада өч очрак талпан боррелиозы ачыкланган. Шулай ук ике очрак талпан энцефалиты теркәлгән – талпаннар зыян күрүчеләргә Чиләбе өлкәсендә һәм Новосибирскида ял иткәндә кадалган.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев