Татарстан фермерлары 327 миллион сум алачак

Фермерларга дәүләт ярдәме быел 327,3 млн. сум тәшкил итәчәк. Бу Россия субъектлары арасында иң зур сумма, дип хәбәр итә Татарстан Республикасы Авыл хуҗалыгы һәм азык-төлек министрлыгының матбугат хезмәте. 2020 ел башына Татарстанда 273 авыл хуҗалыгы кооперативы теркәлгән инде, ә 2019 елда аларның саны 45 кә арткан. 
Исегезгә төшерәбез, 2018 елның маенда Россия Президенты Владимир Путин "2024 елга кадәр чорга РФ үсешенең милли максатлары һәм стратегик бурычлары турында" указга кул куйды, ул милли проектларны билгели.