РФ Президенты каршындагы Бала хокуклары буенча вәкаләтле вәкил Мария Львова-Белова Раифа махсус училищесында булды

Учреждение җитәкчесе Надежда Кисиль кунаклар өчен белем бирү учреждениесе территориясе, шул исәптән уку корпуслары буенча экскурсия үткәрде. Ул ябык типтагы махсус училищеда уку-тәрбия процессы ничек төзелгәнлеге турында сөйләде.
 

- Биредә илебезнең һәр почмагыннан диярлек балалар укый. Бездә тулы мәшгульлек: уку, физик әзерлек, төрле конкурсларда һәм программаларда актив катнашу – барысы да бар.
 

Очрашу барышында училищеда тәрбияләнүчеләр Мария Алексеевна һәм муниципалитет башлыгы Михаил Афанасьев белән шәхсән аралаша, сораулар бирә һәм теләкләрен җиткерә алды.
 

-Моны Суворов училищесы белән бер рәткә куярга мөмкин! Сез молодцы. Мин сезнең күзләрегездә нур күрәм һәм барысы да яхшы булачагына ышанып, биредән тыныч күңел белән китәм, - диде очрашу ахырында Львова-Белова.