Казандагы «Газпром» АЗСларында ягулыкка чикләүләр кертелде

«Вечерняя Казань» чыганагы һәм машина йөртүчеләр хәбәр итүенчә, бензинны бер автомобильгә 30 литрдан, ә дизель ягулыгын 50 литрдан саталар.

Чикләүләр Уралда да — Екатеринбургта һәм берничә шәһәрдә күзәтелә. Төмәндә дә сатуга лимитлар кертелгән дип хәбәр ителгән иде, әмма компанияда моны кире кактылар. Мәскәүдә һәм башка төбәкләрдә «Газпром» АЗСлары гадәти режимда эшли.

Искәртеп узабыз: «Татнефть» компаниясе кертелгән чикләүләрнең күпчелеген бетерде. Лимит бары тик АИ-95 өчен генә калды — бер автомобильгә 30 литр. Ягулык картасы буенча чикләү юк. Элек компания Татарстанда, Самарада, Ырынбур өлкәсендә, ә аннан соң бөтен ил буенча ягулык сатуны чикләгән иде. Җиңел автомобилләр өчен бензин күләме 30 литр тәшкил иткән. Дизель ягулыгы җиңел машиналарга 60 литрдан, ә йөк машиналарына 300 литрдан сатылган.

Вечерняя Казань