Казанда гөмбәле кератитка каршы препарат сынала

Тикшерүнең заказчысы – Казан дәүләт медицина университеты (КДМУ). Даруны теләк белдергән кешеләрдә сынап караячаклар. Ә хәзерге вакытта сынаулар үткәрү өчен оешма билгеләнә.

КДМУ матбугат хезмәте аңлатуынча, республикада эшләнгән препарат авыр инфекцион чир – гөмбәле кератитны дәвалау өчен махсус булдырылган. Бу авыру күзнең мөгезкатлавын җитди җәрәхәтли, озакка сузыла һәм күрү сәләтен югалтуга яки инвалидлыкка китерә. Яңа дару күз тамчылары әзерләү өчен дару формасында чыгарылачак. Хәзерге суспензиянең яраклылык мөддәте бер ай тәшкил итә, бу терапиянең тулы курсын үткәрергә мөмкинлек бирә.

Препаратның уникальлеге шунда ки, аның Евразия икътисади берлегендә (ЕАЭБ) аналоглары теркәлмәгән. Эшкәртмәне КДМУның офтальмология кафедрасы «Татхимфармпрепаратлар» АҖ белән берлектә башкарган. Даруны серияле җитештерүгә клиник тикшеренүләрнең барлык этапларын узу, теркәү һәм гражданнар әйләнешенә кертүдән соң, 2032 елда чыгарырга планлаштыралар.

КП Казань