Истә калырлык бәйрәм

– 8 март бәйрәменең кайсын гына алсаң да, барысы хәтердә калырлык. Ә менә ирем Павел исән вакытта гаиләбез белән Г.Камал театрына баруыбыз аеруча истә саклана. Балалар әтиләре белән шундый бәйрәм оештырган иде, ул әле пар канатлы гаилә тормышының кадерле истәлеге булып, күңелне җылытып тора. Мин театр­га балаларым машинасында килдем, ә баскыч төбендә Павел зур чәчәк бәйләме белән каршы алды. Ул көнне истәлеккә төшкән фотосурәт тә саклана әле, – дип хатирәләре белән уртаклаша Яшел Үзән районы башлыгы Михаил Павловичның әнисе Флүрә ханым Афанасьева.