Иделдә батып баручы хатын-кызны коткарганнар

Гадәттән тыш хәл 27 август көнне 15.34 сәгатьтә килеп чыга. Югары Осланның Түбән Ослан авылындагы Идел яры буйлап йөргәндә, 34 яшьлек хатын таелып китә дә, суга килеп төшә. 
Әлеге“коллыктан”котылырга омтылып караса да, булдыра алмый һәм бата башлый. Аңа ярдәмгә якын-тирәдә булучылар ташлана. Берәүләр медицина хезмәткәрләрен чакырткан арада, икенчеләре зыян күрүчене ярга чыгаралар. 
Аңсыз хәлдәге хатын-кызны Югары Ослан шифаханәсенә алып китәләр. 
Фаҗиганең сәбәбе ачыклана, дип хәбәр итә Татарстан Гадәттән тыш хәлләр министрлыгының матбугат хезмәте.