Яшел Үзәндә хезмәт кагыйдәләрен бозу — кеше гомерен өзгән
Яшел Үзән шәһәр прокуратурасы 46 яшьлек Яр Чаллы шәһәре кешесенә карата җинаять эше буенча дәүләт гаепләвен яклап чыккан. Ул РФ Җинаятьләр кодексының 216нчы маддәсенең 2нче өлеше буенча гаепләнә.
Фото: Рәзилә Хәйретдинова, «ЯҮ»
Тикшерү ачыклаганча, гаепләнүче хезмәтне саклау һәм куркынычсызлык кагыйдәләрен үтәү өчен җаваплы зат буларак, бу таләпләрне бозган. Нәтиҗәдә, 2025 елның 28 июлендә Яшел Үзән шәһәренең Машина төзүчеләр урамындагы 1нче йортында урнашкан «Казанькомпрессормаш» АҖ (компрессорларны сынау комплексы, «Кече цех – сынау цехы» производство корпусы) территориясендә 17 метр биеклектән бер хезмәткәр егылып төшкән.
Бу очракта аны бик авыр хәлдә Яшел Үзән район үзәк хастаханәсенә озатканнар. Әмма зыян күрүче алган җәрәхәтләреннән айный алмыйча хастаханәдә үлеп китә.
Судта гаепләнүче үз гаебен тулысынча таныган. Суд аңа 1 ел 6 ай ирегеннән мәхрүм итү хөкемен чыгарган – бу карар шартлы рәвештә, шул ук вакытлы 1 ел 6 ай сынау шарты белән билгеләнгән.
Хөкем карары әлегә үз көченә кермәгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев