Узган атнада Яшел Үзәннең ашыгыч медицина ярдәме күрсәтү хезмәтенә 888 чакыру килгән.
Фото: Рәзилә Хәйретдинова, «ЯҮ»
Шуларның 555е – шәһәрдән, 333е районнан булган. 376 кеше госпитализацияләнгән: 275е – шәһәрдән, 101е – районнан.
Татарстан урамында өйдәше кыйнаган, кабыргалары сынган 49 яшьлек хатын-кыз янына чакыру алынган. Зыян күрүчене медиклар травматология бүлегенә китергән.
К.Маркс урамында ацетон эчеп агуланган 3 яшьлек балага ашыгыч ярдәм күрсәтелгән. Аны хирургия бүлегенә алып килгәннәр.
Гоголь урамында күкрәгенә пычак кадалган 36 яшьлек исерек хатын-кызга медицина ярдәме таләп ителгән. Зыян күрүче хирургиягә китерелгән.
Нет комментариев