Фин татары Дәниз Бәдретдин Финляндиянең НАТОга керүе уңаеннан фикерен белдерде

Финляндия татары, музыкант Дәниз Бәдретдин Финляндиянең НАТОга кабул ителүен әйтте.

«Фин халкы, гомумән алганда, шактый үзенчәлекле. Гадәттә, беркем белән дә оешмаларга кермәгән ил, Европа Берлегеннән гайре. Хәзерге вазгыять – Россия белән Украина арасындагы конфликт аркасында, күпчелек Финляндиянең НАТОга керүе яклы булды. Шуның өчен бу процесс башланды», – диде ул «Татар-информ» хәбәрчесенә.

Аның әйтүенчә, киләчәктә Россия белән Финляндия арасында нинди мөнәсәбәтләр булачагы билгеле түгел. «Руслар һәм финнар бер-берсе белән яхшы аралаша, ләкин бу мәсьәләне тудыручы сәясәтчеләр аны аңламый. Чынлап та, бу конфликт кешеләрнең фикерләрен үзгәртте», – диде ул.

Төньяк Атлантик килешү оешмасы, НАТО, Төньяк-Атлантик Альянс – хәрби-сәяси оешма. 1949 елның 4 апрелендә АКШта барлыкка килә. Шул вакытта НАТОга АКШ, Канада, Исландия, Бөекбритания, Франция, Бельгия, Нидерландлар, Люксембург, Норвегия, Дания, Италия һәм Португалия керә. Хәзерге вакытта НАТОга 31 ил кергән.

Чыганак:Интертат: иң популяр татар сайты
Фото: Михаил Захаров/архив