Элвин Грей белән күңелсез хәл килеп чыккан

Элвин Грей күңелсез хәл аркасында берничә концертын күчерергә мәҗбүр. Җырчы, клип төшергәндә, кулын сындырган.
 

«Клип төшергәндә форс-мажор килеп чыкты, дуслар. Концертлар графигына үзгәрешләр кертергә туры киләчәк. Берничәсен күчерергә мәҗбүрмен. Китергән уңайсызлыклар өчен барыгыздан да гафу үтенәм», – дип яза ул социаль челтәрләрдә.
 

Фотолардан күренгәнчә, Элвин Грей кулын юл һәлакәтендә имгәткән.
 

Фотоларны карагач: «Ничек кулың бөтенләй өзелеп чыкмаган...» – дип нәтиҗә ясаган җырчының дуслары. Алар Элвин Грейның тизрәк савыгуын тели.
 

Чыганак: Интертат: иң популяр татар сайты.