«Авыртудан аңын югалтты»

Түбән Тагил хастаханәсендә реанимациядә журналист – 37 яшьлек Екатерина Евлашина вафат булган. 23 мартта аның эче бик каты авырта, ул «ашыгыч ярдәм» чакыра. Бу турыда «Комсомольская правда» хәбәр итте.

Екатерина «Машиностроитель» корреспонденты була. «Уралвагонзавод» басмасында 10 елдан артык эшли.
 

«Табиблар Катяга авыртуны баса торган дару бирә һәм китеп бара. Икенче көнне аның хәле начарлана, авырту бетми. Ул үзе хастаханәгә бара, кабул итү бүлмәсенә килеп җитә һәм аңын югалтып егыла. Аны реанимациягә күчерәләр. Табиб сүзләренчә, 12.00 сәгатьтә анда анафилактик шок була, 14.00 сәгатьтә йөрәге туктый», – ди Екатеринаның абыйсы Николай.
 

Екатеринаның үлеме турында белешмәдә «уникеилле эчәклек җәрәхәте, сепсис, үлекле перитонит» дип язылган, диелә хәбәрдә.
 

«Ашыгыч ярдәм» табиблары вакытында хастаханәгә салса, берни булмас та иде. Алар аны калдырырга тиеш түгел иде. Мин дөреслекне белергә, гаделлекне өстен итәргә телим. Табиблар чыннан да гаепле булса, аларга җәзага тартылырга тиеш», – ди Николай.
 

Ул юристлар белән Тикшерү комитетына мөрәҗәгать язган. Хәзер тикшерү эшләре бара.

Бу хакта: Интертат: иң популяр татар сайты яза