Атна уртасында Татарстанга яңгырлар килә: 2 апрельдән һава торышы үзгәрәчәк

Фото: Чулпан Гыйсмәтуллина, «ЯҮ»

Атна уртасында Татарстанда һава торышы үзгәрәчәк, хәтта температура фоны югары булып калса да. Бу Татарстан Гидрометүзәге тараткан фараздан күренә.

Республикада антициклон тәэсирендә тыныч, коры һәм бик җылы һава торышы урнашкан иде. 

31 март һәм 1 апрель, сишәмбе һәм чәршәмбе көннәрендә, югары атмосфера басымы кыры Татарстан территориясендә һава торышын билгеләүен дәвам итәчәк. Явым-төшемнәр әле көтелми. Төнлә термометр баганалары +4..-1 градуска кадәр төшәчәк (31 мартта көнчыгышта -5 градуска кадәр). Көндез һава +8..+16 градуска кадәр җылыначак.

Пәнҗешәмбе, 2 апрель, иртән һәм көндез көньяк циклонының атмосфера фронты республикага яңгырлар алып киләчәк. Дымлы һава торышы төнлә 0 дән +5 градус, көндез +9..+14 градусны тәшкил итәчәк.

Метеорологларның мәгълүматлары буенча, җомга, шимбә һәм якшәмбе, 3, 4 һәм 5 апрель көннәрендә, төбәк территориясендә урыны белән яңгырлар явуы ихтимал. Температура фоны элеккечә диярлек калачак: төнлә 0 дән +5 градуска һәм көндез +9..+14 градуска кадәр җылы булачак.

Татар-информ