Әсирлектән кайтучыларны хәрби хәрәкәтләр зонасына җибәрмәскә тәкъдим иткәннәр

Әсирлектән кайтучыларны хәрби хәрәкәтләр зонасына җибәрмәскә кирәк. Россиядә Кеше хокуклары буенча Вәкаләтле вәкил Татьяна Москалькова шулай дип белдергән.
Ул үзенең телеграм-каналында язганча, Украина хәрбиләренең туганнары еш кына әсирлектән кайтучыларның икенең берсен: йә озак срокка төрмә җәзасын, яки кире фронтка китүне сайлап алырга тиеш булуларына борчыла.

- Хәрбиләрнең аналары һәм хатыннары миңа язган хатларында якыннарын, яңадан хәрби хәрәкәтләр зонасына кумасыннар өчен, Россия территориясендә калдыруны сорыйлар, – дип язган ул.

Москалькова басым ясап әйткәнчә, бу хәл әсирләр алышу процессын суза.
— Биредә дистәләрчә егетләребезнең өйләренә кайта алмавы турында сүз бара. Алар арасында авыр яраланучылар да бар, – дип искәрткән ул.
Омбудсмен фикеренчә, ике якның да хәрбиләре өчен әсирләр алышуны тизләтү –чиктән тыш мөһим.

Чыганак: Ватаным Татарстан Вк төркеме