Ходаем, бу чүп мәсәләсе бетәрме, юкмы икән?

Кызлар, газетагыздан Норлат авылы скверындагы бюст каршында урнаштырылган чүп контейнерлары турында укыдым да, үзебезнең авыл турында язарга булдым. Зарлануым түгел, ишеттерәсем генә килә.

Танай авылы мәчете каршында да чүп савытлары тора, аның урынын аз гына күчереп куярга булмыймы икән? Алай атналар буе чүп өелеп тормый торуын да, тик җил чыккан саен бөтен мәчет рәшәткәләре шуннан очкан мусор белән тула. Иман йорты каршысыда шулай ямьсезләп тормасын иде.

Бәлки минем фикергә колак салучы булыр.