Тау Иле авылында «Күңелле балачак» дигән бәйрәм оештырдылар

Балачак – ул хыяллар һәм ачышлар чоры. Тормыш баскычларындагы тәүге адымнар моменты. Бу якты хатирәләр күңелдә гомер буе саклана. Без ничә яшьтә булсак та – һаман бала. Димәк, бу бәйрәм барыбыз өчен дә уртак!

Чарада балалар өчен күңелле уен-ярышлар оештырылды. Балалар:

• төрле кызыклы уеннарда катнаштылар,
• бер-берсе белән ярыштылар,
• төрле рәсемнәр ясадылар,
• күңелле иҗади эшчәнлек белән шөгыльләнделәр.

Бәйрәмнең иң тәмле мизгеле – Галия Әдиятуллина пешергән пылау белән сыйлану. Балаларга тагын да күбрәк күчтәнәчләр таратылды.

«Шушы бәйрәмгә килгән балаларга, аларның әти-әниләренә, кунаклар тарафыннан таратылган күчтәнәчләргә олы рәхмәтемне белдерәм. Бердәм булыйк! Бәйрәм белән!» – дип сөйли мәдәният йорты җитәкчесе Гөлфинә Сәлахова.

Бәйрәм барысына да күтәренке кәеф, күңелле тәэсирләр бүләк итте.

Балаларыбызның тормышы һәрвакыт якты һәм бәхетле булсын! Балачак иле гел шаулап-гөрләп торсын!