Татар Танае авылында Әниләр көненә багышланган яара оештырылды

Ана — бөек исем
Нәрсә җитә ана булуга!
Хатын-кызның бөтен матурлыгы,
Бөтен күрке ана булуда!

Һади Такташ

Татар Танае мәдәният йортында Әниләр көне уңаеннан җырлы-музыкаль чара узды.

- Әниләребез уңган, булган гына түгел, талантлы да безнең. Төп эшләре, гаиләдәге тавык та чүпләп бетермәслек мәшәкатьләр өстенә, алар мәдәният йортында узган төрле чараларда катнашалар, иҗат итәргә дә вакыт табалар. Кояш кебек балкып, тирә-юньгә нурлар чәчеп яшәгез, сәламәт булып, якыннарыгыз белән тигезлектә, матур, рәхәт, хәерле гомер кичерегез! Алдагы көннәрдә дә матур чараларны шулай бергә-бергә уздырырга язсын. Килүегез өчен зур рәхмәт, – дип сөйли Татар Танае мәдәният йорты мөдире Миләүшә Акмалова.