#яшелүзәнрайонытуганавылым
Татар Исламы авылында Корбан ашы узды
Татар Исламы авылында күркәм традицияләрне дәвам итеп, Корбан ашы үткәрелде.
Мәҗлесне авыл активисты Лилия Әхсәнова оештырды, ә аны әзерләүдә авыл халкы зур ярдәм күрсәтте.
Корбан ашы мәчет янындагы күл буенда узды. Бирегә авыл кешеләре генә түгел, ерак-арадан килгән кунаклар да җыелды. Чара барышында авылдашлар аралашты, хәл-әхвәл белеште, бергәләп догалар кылды.
Өч зур казанда корбан итеннән хуш исле шулпа пешерелде. Табыннар мул булды, ә җылы очрашу һәркемгә күтәренке кәеф бүләк итте.
Корбан ашы авыл халкын берләштергән, күңелләрне якынайткан матур бәйрәмгә әверелде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев