Олы Карагуҗа авылында зур вакыйга булып узды — биредә танылган җырчы Асия Ганиеваның хәйрия концерты гөрләде.
Саваплы чараны авылның җирле активистлары үзләре оештырды.
Бу вакыйганың үз тарихы бар: халык үзе җырчыга мөрәҗәгать итеп, авылга хәйрия концерты белән килүен сораган. Асия Ганиева шунда ук ризалашкан, ә оештыру эшләрен авылдашлар тулысынча үз өсләренә алган.
Тамашачылар бу көнне күңел ачып, ял итеп кенә калмады, ә бергәләп хәтирәләргә дә чумдылар, уйландылар да.
Концерттан җыелган барлык акча яраланган солдатларыбызга дарулар сатып алу өчен җибәрелде. Кичәдән һәркем җылы тәэсирләр белән таралды: концерты да, авылы да, табигате дә соклангыч! Мең рәхмәт сезгә!
Илшат Гайнетдинов хәбәре буенча.
Нет комментариев