Олы Яке мәдәният йортының “Өммегөлсем” ансамбле кызларының бер генә дә тик утырганнары юк

Әле менә шушы матур көннәрдә туган ягыбызның табигать кочагында фотога төшеп, үзләренә бер истәлек булдырганнар.

-Без табигатьнең һәр ел фасылына сокланып, яшеллеккә һәм матур чәчәкләргә күмелеп утырган болыннарыбызны кадерләп торырга тиешбез.Табигать матурлыгы - ул безнең матурлык. Әле менә “Өммегөлсем" ансамбле кызлары белән "Табигать - туган йортыбыз” дигән исем астында фотосессия ясадык. Матурлыкны күрә, аннан дәрт, көч алып яши белү – үзе бер бәхет. Гел шулай һәр мизгелдән ямь табып, исәнлектә яшәргә язсын иде, - дип сөйли Олы Яке мәдәният йортының сәнгать җитәкчесе Лилия Әхмәтшакирова.