Олы Ачасырда балалар арасында кул көчен сынау буенча ярышлар узды
Бер, ике, өч – безнең кулда көч! Бу сүзләр Олы Ачасыр авылында узган кул көчен сынау ярышларының төп девизына әверелде. Балалар чын спорт рухын күрсәтте.
Чараның төп максаты – балаларны спортка тарту, аларда сәламәт яшәү рәвешенә карата кызыксыну уяту, командада эшли белергә өйрәтү. Мондый ярышлар яшь буынның физик тәрбияләнүенә, аларның күңел дөньясына да тәэсир итә. Көчле, чыдам, максатчан шәхесләр – авылның киләчәге.
– Ярышлар балаларга үзләренә ышанырга, физик көчләрен генә түгел, ә күңел көчләрен дә сынарга мөмкинлек бирде. Алар бер-берсенә ярдәм итәргә, бергә шатланырга, уңышсызлыкларны да намус белән кабул итәргә өйрәнделәр, – дип сөйли Олы Ачасыр мәдәният йорты сәнгать җитәкчесе Гөлнур Абзалина.
Бу көнне барысы да бердәм иде. Кул көчен сынау ярышлары авыл балаларын спортның иң мөһим сере – авырлыкларга бирешмәскә, тырыш, бердәм һәм көчле булырга өйрәтте.
Балалар, сез – безнең горурлык! Сез – безнең киләчәк! Һәрвакыт шулай көчле, тату, бердәм булыгыз!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев