Олы Ачасырда сызыклы биюләр түгәрәге эшли

Алар парсыз, төркем булып, бер сызык буенча яки бер-бер артлы башкарыла. Бу биюләр координацияне яхшырта, физик активлыкны арттыра, кәефне күтәрә һәм иптәшләрчә мөнәсәбәтләрне ныгыта.

– Бию – борынгыдан килгән сәнгать. Ул бүген дә безне матурлыкка, гүзәллеккә өйрәтә. Ритм, уен-хәрәкәтләр аша халыкның уй-фикерләрен, эчке халәтен, өметен, ышануын чагылдыручы чара ул  – бию. Аны «телсез сәнгать» дип атау да гадел, – дип сөйли Олы Ачасыр мәдәният йорты мөдире Фәния Зыятдинова.

Олы Ачасыр авылы мәдәният йортында хатын-кызлар өчен сызыклы биюләр түгәрәге эшли.

Түгәрәккә кемнәр килә ала?

Яше, һөнәре, физик әзерлегенә карамастан, биергә яратучы һәм яңа дуслар табу теләге булган барлык хатын-кызлар чакырыла.

Түгәрәкнең өстенлекләре:

• йөрәк-кан тамырлары системасын ныгыта;
• хәрәкәтләрне координацияләүне яхшырта;
• стрессны бетерә, кәефне күтәрә;
• яңа дуслар табу мөмкинлеге.

Рәхим итегез!