Норлат балалар йорты тәрбияләнүчеләре «Fashion kids» конкурсында катнашкан
Fashion kids – бу гади генә конкурс түгел, бу һәр баланың үзенең кабатланмаслыгын һәм сәләтен ача ала торган тулы бер дөнья.
14-15 февраль көннәрендә Казан шушы якты вакыйганың үзәгенә әверелде. Республикабызның төрле почмакларыннан җыелган талантлар арасында Норлат балалар йорты тәрбияләнүчеләре дә бар иде.
- Йолдызлы мизгелләр: Ильвина белән Алинә – ике якты йолдызчыгыбыз – сәхнәдә үзләрен чын профессионаллар кебек тоттылар. Мода күрсәтүе, нәфис хәрәкәтләр һәм мавыктыргыч фотосессия... Бу көн аларның хыялын чынбарлыкка ашырды! Оештыручыларга зур рәхмәт! Сез кызларга үзләрен затлы таҗлар кигән чын принцессалар итеп хис итәргә мөмкинлек бирдегез. "Fashion kids" – ул балаларның үз көченә ышанычын ныгытучы зур адым, - дип яза Норлат балалар йорты җитәкчесе Рәисә Миңнуллина.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев