Биредә күңелле һәм истә калырлык Ачык ишекләр көне узды!
Кунаклар гипстан ясалган сыннар буяу буенча мастер-класста бик теләп катнаштылар. Остазлар җитәкчелегендә һәркем үз куллары белән кабатланмас сувенирлар ясады.
Бәйрәм программасын талантлы җырчыларыбызның моңлы һәм матур җырлары бизәде. Ә балалар тамашачыларны үзләренең йөрәккә үтеп керерлек шигырьләре белән сөендерделәр.
Бәйрәмнең иң җылы мизгелләренең берсе — самовар янында узган күңелле чәй өстәле булды. Монда һәркем ял итеп, үзенең матур итеп бизәлгән эшләнмәләре белән горурланып, дуслары белән аралаша алды.
Бу көн тагын бер кат шуны күрсәтте: безнең авыл мәдәният йорты — талантлар, иҗат һәм күңелле очрашулар өчен чын күңел тарту үзәге!
Нет комментариев